《MIND SET思維》成功到極至既重點 – Start with Why

當大家 (例如 Samsung) 都係度分享緊一樣既人才、廣告公司、廣告平台既時候，你有無諗過點解有d公司可以年復一年咁持續創新，可以年復一年咁開發到一d新既項目黎改變世界?

好似Steve Jobs 時期既 Apple，點解咁有創意?又例如Elon Musk，點解可以整完 Zip2、PayPal，再整火箭 (Space X)、Tesla汽車、太陽能 (Solarcity) 等？

Ted Talk Speaker Simon Sinek 講過，佢地特別成功係因為一個信念，例如: Steve Jobs 既“Everything we do, we believe in challenging the status quo (挑戰現狀). We believe in thinking differently”.

Elon Musk 就比較關注地球既生態環境，所以無論係 Space X 帶人類移居火星、用太陽能 (Solarcity) 維持生活、創立Tesla 環保電動車，全部都係圍繞住佢呢個理念。

Line前任CEO森川亮既理念就係為用戶提供最優越既手機體驗，改變人類溝通方式。所以，如果要成功，必須由一個最根本既問題開始 — 點解要做? 為咩而做？你又點解會成功?

如果答唔出既話，你可以問下一個創業既老闆，佢身邊既人係咪只係為左一份人工而甘心留係而家呢個工作崗位？只有清晰答得出呢條問題既人，先可以動員到身邊既人為佢盡心盡力，為左一個共同信念，一齊去為世界帶來一點點的不一樣。

《BUSINESS需知》

FAQ 係網頁超重要既一環，因為當顧客瀏覽緊你既網頁，有問題係無得問/ 亦唔會問。當真係有問題既時候，只會將滑鼠慢慢移向右上角 —— 㩒關閉。

所以你必須要知道顧客會有咩問題，亦要係顧客問之前，準備定個答案比佢。

好多時候係網絡上，顧客買與唔買，係講個感覺，而FAQ係必須要有既一環，假如你個FAQ做得好，佢可以令你既顧客覺得你間公司比較可信，最起碼你比其它超細規模既公司，為顧客諗多一步，行多一步。

而且，簡短既FAQ要放係商品頁 (睇商品既時候大部份顧客已經會有問題)，亦要有詳盡既答案放係FAQ頁面。

《TASKS 今日項目》

今日我會做以下既項目:

– 設計「關於我們」、「常見問題」頁面
– 將所有需要既元素都先寫出來
– Wix/Shopify 填寫以上頁面既內容
– 以 5 歲小朋友既智商去檢查一次，你所有既內容都簡單易明
– 重新檢查一次你既 FAQ 夠唔夠完善，唔夠既話要再更新

如果想繼續睇就 Like/Share 個 Page 啦，或有野想問，或想我補充就 Comment啦。