Day 22 -Edwin C. Barnes & Thomas Edison 愛迪生你聽過好多次，但佢既故事你又知幾多?

今次想分享一個叫Edwin C. Barnes既真人真事實例，同埋我創業時其中一個好重要既 Idea。

Barnes係愛迪生既搭檔，當年Barnes係新聞聽到愛迪生既大名，覺得佢好有創意，就下定決心想同佢一齊做生意。

但係見愛迪生之前，佢面前有2個難題:

1. 佢只係一個籍籍無名既年輕人，同愛迪生亦無私交

2. 佢連買一張火車票既錢都無

但係佢堅持呢個信念，最後去到愛迪生既Lab門口，同愛迪生講想同佢合作， Barnes當時只不過係一個學歷唔高，既無名氣又無錢既後生仔，愛迪生對佢既第一個印象係：覺得佢似流浪漢。不過愛迪生感受到係呢個流浪漢身上，散發著一股好堅定、好想同愛迪生合作既熱情。終於Barnes成功說服愛迪生，比佢係實驗室度幫手。起初，Barnes只係識做一d簡單既工作，例如拖下地咁。後來，Barnes慢慢增值自己，終於係五年後，佢由一個流浪漢搖身一變，變成愛迪生既合夥人。

我成日會係度諗有d人唔係特別出眾，但點解佢地會咁成功? 個秘訣就係: 投入自己既一切，包括所有既時間、精力，就好似Barnes咁，願意默默等5年，每一日增值自己，學多d野。等到機會一黎既時候，就即刻把握住。Barnes既例子亦都帶出左一個道理：要全心全意咁投入自己既事業入面，唔成功唔放棄。努力增值自己，隨時為機會黎到而準備，而唔係掉返轉頭，等機會黎到，先開始增值自已，最後發覺自己無能力做好，白白浪費曬個機會。

今年，係新既一年，好好去增值自已，確保自己會把握到今年既所有機會。

《BUSINESS需知》

付款系統，其實都係PAYPAL，基本上係香港最方便易用既系統，開戶口快，只需要5-10分鐘。

記住用公司戶口，唔好用私人賬號，個客見到自己入左錢去你個私人戶口，而唔係公司戶口，會令佢地嚇一跳。

而且要留意一點，當你每月轉賬超過10萬既時候，就會比 Paypal 扣起你 5-10萬，再係每個轉賬既款項度 扣起10%，所以要預有呢件事發生。

所以現金周轉唔好太緊湊。

而當你每月轉賬超過100萬既時候佢亦會扣起你20-30萬一個月，要45-90日先收到款項，果時無論點樣同PayPal傾都無用，外國好多咁既案例，可以自己上網搵 “Paypal Hold Funds”。

例子: PayPal Hold 港幣50萬

《TASKS 今日項目》

今日我會做以下既項目:

– 開設 Paypal 賬號

– 準備公司帳號

– 準備結帳頁面

如果想繼續睇就 Like/Share 個 Page 啦，或有野想問，或想我補充就 Comment啦。