網上賣紅酒，都賣到 $50,000,000

講起飲紅酒、創意、Personal Branding、一定唔可以唔提 Gary Vaynerchuk，佢係一位俄羅斯企業家，專賣紅酒 (營業額達$5000千萬美金)，寫咗好多本書，亦可以算係其中一位做 Personal Branding 嘅始祖。

係佢本書 Crush It入面，佢分享左…

—要做任何件事要成功，必須由自己嘅興趣開始，佢相信如果你唔係超級鍾意做嘅話，願意花每一分每一秒去做嘅話，你係唔會成功。

但係你可能會問:「好多興趣，都唔能夠轉為終身職業架喎，唔係咩？」
其實要用興趣作為終身職業係絕對可以— 根據Gary本書講出個重點：要利用興趣賺到錢，必須令到你自己成為一個品牌。(例如：世界最出名嘅Talk Show Host, Oprah Winfrey – 鍾意講嘢，世界知名大廚, Martha Stewart – 煮嘢食)

而書嘅作者Gary佢就係透過自己係YouTube Channel上邊去分享自己對紅酒嘅睇法，然後去評價、評論、同大家分享，令到自己成為呢個界別嘅權威，設立網上商店協助對佢有興趣嘅顧客購買紅酒（佢講咗YouTube Channel最重要嘅一點，就係要 “真"，因為咁先有可以長遠發展到）。

現時係香港，暫時未有一個人利用Gary係2005年時已經使用嘅方法，去做好personal branding ，並成功設立一個知名嘅網上商店，有興趣紅酒嘅話，就唔好再諗! 即刻做啦! 唔使我講你都知道，邊個係喺香港第一個做會有最大着數同優勢。 （或者你亦可以諗一諗自己興趣用呢個方式去做，又得唔得呢?）

扯到有少少遠添，講翻正題，其實我一直以來都唔點樣飲酒，就算同朋友去酒吧睇波傾計，通常嗰個叫啤酒，我都係飲橙汁。因為一直以來，我都覺得無論任何類型嘅酒都好苦，覺得大部份drinks 都好飲過酒，而我知道好可能係自己未學識去飲酒，所以我人生必須做嘅其中一件事就係去學一學。

直接跳到最後：由入到課室開始播音樂，導師好有Passion 咁教關於紅酒嘅知識，講上堂Experience 黎計，算係人生學過咁多野，上過咁多堂，其中一個最開心、同形象深刻嘅 ，而我到最後試咗 6-7 種酒，但都係覺得唔好飲，同唔識得欣賞 (我朋友係我身邊飲得津津有味，全部飲晒)，所以得出個結論—睇嚟我呢一世都係唔會鍾意飲酒，落 Bar 都係叫返橙汁算。

(P.s. 如果大家有興趣去學飲紅酒等等，可以去 Vinex Wine 到學習，真心強烈推介 – 利申: 呢個唔係廣告)