學識留意身邊點滴

將打熱咗嘅奶倒入濃縮咖啡內，係咖啡嘅表面畫圖案。聽落就好似好簡單，實際上做落都幾有挑戰性。

係真正拉花之前，我不斷咁用水去練習（從來未試過咁認真去倒一杯水），今次學習一個好似葉嘅圖案，過程中我都好努力去想像拉出黎既效果，結果拉出黎後發現完全唔係果回事，運用想像力，竟然拉出好似京劇果啲面譜嘅圖案。

其實做每件事都要不斷練習，review 可以改善嘅地方先會搵到成功方法。導師都有提到 “如果想拉得好好睇睇，起碼都要拉番百幾盒奶” 。我亦都發現我對咖啡拉花係完全無天份，不過都好開心參加左呢個課程。

因為你唔試，你係唔會知道自己既興趣係邊方面。
唔知有冇人每日都覺得生活好悶、毫無新意 ? 其實只要你細心留意生活嘅每一個細節，detailed 到係一杯咖啡嘅圖案，可能就係你興趣所在！你會發現人生其實有好多有趣嘅地方等住你去學習同發掘。