做最簡單的人

我朋友一開始叫我去整蠟燭，我心諗“唔係呀嘛？！”，因為我本身對蠟燭一d 興趣都無，平時亦都無點蠟燭既習慣。但佢誠意拳拳，咁就是但啦，都照去喇。

導師教我地整呢個大豆蠟燭有兩個重點。第一，倒d wax 落去嘅時候要有咁慢得咁慢，咁樣先確保唔會起bubble 同埋唔會有一層層嘅感覺。第二，d裝飾物要盡量貼近入面果隻杯，整出嚟嘅效果先會更立體。

紅色、橙色、黃色、綠色、藍色、紫色，唔同顏色嘅裝飾物都有，一場嚟到，我都好投入咁去整蠟燭，其實一開始我都冇認真諗好點樣設計，都係隨心所欲咁擺自己覺得靚嘅乾花落去，所以整出嚟效果冇我想像咁好（朋友就整得好靚喇）。

不過都唔緊要，過程中同朋友有講有笑，都唔記得左一開始自己其實唔係太想嚟。我諗番，原來人愈來愈大，設定比自己嘅框架就愈來愈多，已經變得愈來愈複雜。可能朋友約食餐飯，你都會問哂有咩人去，去邊度，食乜，糾結一陣子都係唔去。你有冇諗過你要做嘅其實只係睇下你個Schedule 有冇野做？冇嘅就即刻應承喇！