你送嘅係心思，定係禮物？

其實我從來都冇諗過要親手去整一朵花，當我朋友建議我去做嘅時候我真係有少少O左出嚟，覺得發生咩事，呢啲咁「女仔」嘅嘢唔係要我做吖？

去到嗰度，製作朵保鮮花要由零開始做起，要自己手動去「開花」，揀其他嘅花去裝飾，唯有用我僅餘少少嘅藝術天份（其實係冇嘜嫁喇）去設計成件事。

整咗大約個零鐘後，幾經辛苦，終於完成左。我從來冇諗過自己可以整到出嚟，仲要望落去似模似樣，雖然最後整到全身衫褲都污污糟糟咁，但係滿足感好大，終算不枉此行。

有冇試過諗到頭爆都唔知送咩禮物比你另一半呢？ 大家送花就送得多喇，自製保鮮花你可能未必試過，但絕對係誠意嘅表現。

價錢都係兩三百蚊，而整咗出嚟其實係幾靚、幾獨特。同埋做呢個活動，我覺得比普通行街食飯有趣得多，做完仲有成個結晶品出咗嚟可以比你帶返屋企（最好係男朋友陪你去，然後送俾你）

PS: 以下係我嘅結晶品（我自己覺得都算係咁，算係幾靚啦，見仁見智啦）。