香港camping車體驗

適合情侶嘅周末好去處

住咗係香港成二十幾年,一直以來都冇諗過係香港可以做啲咩特別野,星期六日同短假期,就好似大家咁行下街、睇下戲、食下飯咁。

呢個30日挑戰,就讓我走出咗我嘅「舒適區」,去嘗試一啲我一直以來都想試但唔會去試嘅事。

嗰日突登一早返咗公司,完成咗嗰日嘅工作,比我可以四點幾就離開公司並向大嶼山出發。

去到東涌站之後,就坐藍色的士入去大嶼山塘福村,車費比想像中平,都係$100左右。出發前覺得塘福村超遠,感覺好似世外桃源咁,但係事後發現,由中環出發all the way 入到去塘福村其實都只係一個鐘左右。

事前係網上睇啲場地相覺得好似好大、好優美咁,但係入到去發現嗰場地冇想像中咁大,太約半個足球場左右,放咗八至九架camping車,每架車都相距好近,只係相隔5-6米嘅距離(即係勁近)。

我同朋友已經預約左最大size嘅camping車,裏面有六張單人床,但我覺得其實只係適合二至四個人去住,因為太多人住嘅話,基本上連轉身都比較困難。

之後其他朋友都問我,好唔好玩啊?可唔可以成班best friend咁入去住?我自己就唔多建議喇,就算係頂多四個人去最好。

如果真係建議嘅話,我覺得好適合情侶,可以寧靜咁過下二人世界。而如果你對市區生活有少少厭倦,但又想去啲得意啲嘅地方住一兩日,體驗下與世隔絕嘅生活 ,相信camping車係一個唔錯嘅選擇,環境都算係幾舒適,同埋可以recharge咁出返嚟,最起碼有趣啲喇。香港camping車體驗1

香港camping車體驗3

Felix Wong 王嘉裕
Written by Felix Wong 王嘉裕
90後創業家、作家、文匯報專欄作家、英國 Warwick 法律系學士、香港大學犯罪學碩士 、RED EARTH 集團創辦人,公司旗下超過 20 個成功項目。