星加玻愛情故事

Part 4.

一個90後創業家的愛情故事
你願意為一個女仔去到幾盡?

上回:我同Eriko講 如果佢想同個男仔去玩,就以後唔洗再搵我!
點知佢收左線之後,究竟之後會發展成點?

到底我最後係起身即走定係等Eriko 再搵我呢?

-----------------

5月29日

朝頭早九點幾起左身,做返平時會做嘅野:100 Push Up, 100 Sit Up,
換完衫沖完涼我出咗去食個豐富嘅早餐,
亦去咗 China Town ,試吓自己一個去旅行嘅感覺,
因為我係乜嘢都冇帶過去,就連iPhone叉電線都無,電話已經無哂電。

假設佢想氹我,亦唔會聯絡到我。
(雖然機率都唔大,要氹嘅話,好簡單一早講話唔同個男仔去,同我去環球影城已經可以)。
之後再周圍行來行去,去埋Marina Bay Sand,
發覺電話無電連想訂機票都唔得,
要買返條差電線先,同埋天氣太熱嘅關係,想返酒店休息一下換件衫。

沿途返緊酒店嘅時候,見到有個女仔自己一個好confuse嘅樣係度好似搵緊路,
我做返平時鼓勵大家做嘅事,唔好等人話要幫手先幫手,
有時主動少少,幫到人就盡量幫,
我問佢:「Is there anything I can help? 」
之後幫佢搵路,仲好休閒咁陪佢行埋過去 ,
反正難得我有既就係時間,
傾左幾句,發覺原來佢都係香港人,仲要係同我同一班飛機。

而佢都係自己嚟旅行玩,覺得好多野人生點都要試下做一次,
之後我又答:「係啊,人生畢竟只可以活一次,If not now, when?」
佢就停左落黎,好Surprise咁問我係咪叫 Felix,我笑笑口答係。
我送到佢去佢想去嘅餐廳門口,係餐廳門口張凳坐低又傾左 30 分鐘關於人生既事。
去到最後,佢話:「你食左野未?不如一齊食啲野啦。」
我係有興趣,亦好欣賞女仔咁勇於Take Action,嘗試自己一個去旅行,
但係可能心情都唔係特別好,亦唔想咁快結伴同另一個去玩,
所以我就婉拒左:「之後有啲野做啊,我都差唔多要走,你玩得開心啲啦,拜拜」。
之後亦無留大家電話就離開左,
但Anyway,其實幫到人真係幾開心,
呢個係一個我第一次自己去旅行嘅小插曲。

回歸正傳 ,兩點幾嘅時候,電話終於着返,
見到佢send左幾個message黎:「你喺邊? 」、「使唔使真係咁呀」、「真係咁憎我?」。
自己亦好冇骨氣,忍唔住回返佢:「咁你同佢而家喺邊」。
跟住佢答:「I am alone」,見到我已讀不回,就打俾我。

原來佢推咗個男仔,我又心軟想見佢,
一場嚟到,都想同佢去環球影城玩。

我地去到聖淘沙嗰邊,同佢去咗海洋館、睇4D電影、走咗去賽車,
每個環節都玩得好開心,好似從來冇鬧過交咁,
之後諗住去沙灘,又行錯路,
大家係森林入面迷失地探險左40分鐘,先行得返出嚟。

成件事都好Sweet、好浪漫。

大家坐左係個好靚嘅人造沙灘上面睇住日落咁傾計,
講翻大家嘅諗法,傾左成兩個幾鐘,由天光傾到天黑。
之後兩個人慢慢拖住手行返出去聖淘沙嘅的士站,
出返市區食飯、去行星加坡最靚嘅花園,Garden By the Bay,
就好似入咗童話世界(或者Avata世界)入邊。

佢同我講:「如果我地可以永遠停留係呢一剎那就好喇」
我錫左佢一啖,同佢講:「停留係呢一剎那會仲好啲」

成件事都好似好美好咁,
但係無論幾美好都好,佢後日都係會飛去歐洲,一切都會完啦,係咪?

如果你係我,你會要求Eriko 唔好去歐洲,定留番個選擇權比佢自己?
(待續)
.
Love=強烈要求Eriko 唔好去歐洲
喊樣=留番個選擇權比佢自己
.
其他選擇,可以留言話我知

Felix Wong 王嘉裕
Written by Felix Wong 王嘉裕
90後創業家、作家、文匯報專欄作家、英國 Warwick 法律系學士、香港大學犯罪學碩士 、RED EARTH 集團創辦人,公司旗下超過 20 個成功項目。