一個90後創業家的愛情故事
你願意為一個女仔去到幾盡？

上回：我同Eriko 破冰之後，過左好Sweet 嘅一晚，
但畢竟佢後日就要去歐洲，我要唔要主動將佢留低？

－－－－－－－－－－－－－－－－－

5月30日凌晨
係酒店播住音樂望住星加玻嘅夜景，
由12點傾到凌晨3點幾，
訂緊返香港嘅機票嘅時候，
我鼓起勇氣同佢講：「不如唔好去歐洲啦，唔想你走。」

之後佢嘅回應係：「我去歐洲，真係一定唔會去搵我個Ex，
你信我啦好冇？我地經歷左咁多野，
我都想同你認真試一次，我一兩個禮拜後就會返嚟啦。」

聽完佢咁講我都覺得啱嘅，
再講，如果一對情侶連最基本嘅信任都無都唔洗繼續行落去。
我亦好似冇乜野可以做，冇乜嘢可以講令到佢留低，倒不如信佢一次。

我送返佢去佢間酒店後，佢叫我第二朝記住打俾佢叫佢起身，走嘅時候佢錫左我一啖。
呢種感覺好好，好到一個point 係我覺得係冇第二個人可以比到呢種感覺我。

相信大家岩岩同另一半一齊嘅時候都應該經歷過呢d畫面。
明明平時都係靠電話個鬧鐘，但係唔知點解拍拖就硬係要對方叫醒自己，係都依賴下對方。
咁係真係好sweet 嘅。

我叫醒左佢之後，接完佢就一齊出發去機場，
係飛機上邊，一直都係度玩玩鬧鬧，
好似一般嘅情侶咁，好sweet咁攬住一齊瞓覺，一齊聽音樂，
回想番：「都總算係happy ending ，好彩我決定咗過去搵佢。」

落機之後，佢約咗個朋友食飯，我亦要開始寫我本書。
突然之間醒起，係喎，佢去歐洲玩冇得上網咁點算，
所以食完飯之後佢嚟咗搵我，拎張上網卡，
我哋仲一齊食埋糖水。

送到佢返屋企，
攬住左五分鐘，先至好唔捨得咁同對方講再見，
我直頭叫佢好好保重。
佢係咁同我講：「傻嘅，我走兩個禮拜咋嘛，好快返嚟架啦，拜拜。」

呢個傻妹，突然之間有啲神不守舍、不知所措。
唔通佢唔捨得，想同我講話佢唔走？
叫我合埋眼，而當我擘開眼嘅時候，
佢捉住左我隻手，送左隻介子比我。

錫左我一啖。

係呢一剎那，我已經失去理智，覺得佢就係我人生嘅一切。

咁岩，我亦買左隻介子，放係褲袋到，而我當時好想拎出黎。

但我選擇無拎到。

因為我希望係一個更適合嘅時間、適合嘅地點，先為呢隻介子完成佢最動人嘅使命。

我唔知呢一日幾時會出現，我亦都唔怕去等，
因為呢隻介子嘅主人，已經係我生命裡面。

如果你問我？願意為一個女仔去到幾盡、等到幾盡？

仲洗問？

我係 Felix Wong 王嘉裕。

（待續，其實聽日仲有最後、最重要嘅一篇）