社會實驗：一個90後創業家的愛情故事
你願意為你嘅人生去到幾盡？

相信大家都想知點解一個 創業家 會寫呢個愛情故事呢？

又點解要大家投票？

首先好多謝大家有份參與呢個實驗，跟住落嚟我就會開估我呢個愛情故事嘅因由。

唔知大家有無諗過其實無論愛情、事業、人生，好多事都可以計算到成功嘅機率。

就好似今次呢個愛情故事入面，好多人都覺得，呢個故事裏面有好多不確定性。

但係如果你一個宏觀嘅角度咁去睇呢件事嘅話，

你會發現，係呢 5 個故事裡面，初步來講你要做 5 個決定，

根據大家幫手選擇同評論，每個決定選擇嘅人數都大概係50/50 (有時係 60/40, 有時係 70/30，但為方便起見，當50/50)。

咁就會得出咗一個結論，就係其實要係呢一段感情上，要重覆我做左嘅事，得到 Eriko 機率係：

50% x 50% x 50% x 50% x 50%

= 3.125%

你可能會話：「就算我做嘅決定同你揀嘅唔完全一樣，都會有可能得到 Eriko，唔係咩？」

又或者你可能會話我同我另一半無計算過都一齊到啦，你會問我咁又點解釋呀？

事實上我係一開始已經好清晰咁 Set 咗我嘅目標係：

「係佢去歐洲搵個 Ex 之前，要得到 Eriko 」

而我做每個決定之前，我都會審視究竟咁樣做，係朝住我嘅目標前進，或者與我嘅目標背道而馳。

講到呢度，你已經會知道點解我會即刻飛去星加坡。

禁個 L-I-K-E ,同你真係咁樣做，係兩回事。

如果比著你係我，你係咪真係會即刻飛去？

我冇飛過去已經唔會可以根據線索去動物園搵佢。

再下一步，如果我一見到佢同第二個男仔一齊，被自己嘅情緒影響，

就即刻唔記得左我最初 set 嘅目標，轉身就走，

咁亦都唔會有果晚咁sweet 嘅回憶。

最後，如果我唔係為左係佢去歐洲之前得到佢，就唔會用盡我覺得可行嘅方法去阻止佢同第二個去玩。

諗一諗以下嘅事，如果我無做到，結局會係點？

以上任何一件事，我無跟住目標去做，其實結局都已經唔一樣。

你可能會覺得每樣野都計到咁盡，已經唔叫做「戀愛」，覺得愛一個人要順住感覺行。

當然，我地可以企係道德高地去評論：

「邊有人咁計、咁樣唔叫做『愛』、愛情唔應該咁樣、我先唔會咁做」

個結果係，你係唔會得到 Eriko。

但記住，呢個並唔係一個簡單嘅愛情故事，亦唔係我想轉行寫愛情小說，

我只係衷心希望你地每一位有參與嘅朋友，可以透過 最看似唔應該計算嘅「愛情」，

從第二個角度去睇，其實每件事其實都有得計，再套用返係自己「人生」入面。

好多時候，我哋其實冇認真對待人生入面嘅每一個決定。

但係冇諗過其實每一個決定其實就會好似蝴蝶效應咁影響到你下個決定，
會影響到你成件事嘅發展，如同上述愛情故事一樣。

你當你人生有 7 個階段，要做 7 個重要決定：

1. 年青嘅時候揀學業或創業
2. 大學嘅時候揀嘅科目
3. 畢業後揀工作
4. 揀適合嘅對象結婚
5. 適合嘅時間生兒育女
6. 未來的工作發展
7. 退休後嘅生活選擇

假設你已經比大部份人優勝，有設置一個清晰人生目標 (大部份人都無)。

而每一個階段做嘅決定，正確與否當都係50/50，

其實去到最後，可以擁有一個你想要嘅生活嘅機率，

其實只有 0.7%。

諗番 點解成日會有人問 ：Why me？ 點解會攪成咁？
點解咁多人活到最後，問自己嘅人生會落得如此下場？

一個 Very Sad 同傷心嘅答案就係因為：「你從來無Set過一個清晰目標，而做每一個決定嘅時候，亦唔係向你想要嘅目標進發，只係隨波逐流。」

(試想想係上述愛情故事中，如果你無Set 一個清晰目標，每件事都隨波逐流，去到最後失去一位深愛嘅伴侶，呢個時候，如果記起返呢篇文，就會知點解。)

除左愛情，好多人際關係，處理事情都可以用到呢一種思考模式。

例如父母想子女聽從自己嘅意見，係咪一味向子女苦口婆心咁表達，子女就會乖乖跟從呢？
還是我們應該改變一下處事手法，因為我地重視嘅係最終可以得到預期嘅結果。

所以其實好多事情嘅發生，佢哋之間嘅因果關係，冇我哋想像中咁簡單，所以習慣每一個時候，好好把握每一次機會，甚至係冇機會嘅情況下，都親手去努力創造機會，去爭取自己想要嘅事情。

呢一個，亦係我係過去 5 篇愛情故事中，綜合想帶出嘅訊息:

設置目標、敢想、敢做，事情先會發生。

Be the creator of circumstances, rather than just a creature of circumstances.

如果大家有興趣想聽我嘅創業故事，分享我敢想、敢做嘅創業歷程，就聽日 7:30pm 九龍灣，國際交易中心 22樓 AXA 專業培訓學院見 (門票查詢：career@axa.com.hk)！