你既未來將會係點? 你同我都知。

你已經知道左個結果會係點?
只係你唔願意去坦誠面對，人生最錯既唔係比人呃，唔係做錯事，而係你唔願意接受真相，自己呃自己。

假設你咩野都唔諗住改變，你覺得5年後你會變成點? 香港既環境會變成點? 政府既政策又會係點? 不過，無論政府個政策點轉都好，點都唔會有一個政策係可以令到你賺更多錢，更唔好講話政府會無啦啦資助你100-200萬，比你上車買樓。

而再問下你自己，20年、30年之後既你會係點?

坦白講你已經睇到會係點，只係你唔願意去接受呢個唔「夢幻」既現實。

唯一一個可以幫到你既人就係你自己，只要你願意踏出第一步，去為左你自己而改變。改變係唯一既希望，假設你真係唔願意創業，都應該作出改變，改變可以係: 諗下現時既工作上點樣可以做得更好，又或者係做人做事既態度上點樣可以作出改善，最重要當然係去實踐。

通常大部份人都覺得創業既代價好高，又要辭職，又要十幾萬成本，事實上唔需要，而家網絡咁發達，創業只係需要幾百蚊，利用放工時間做就得，仲唔洗咁快入貨住。

就好似我而家做緊既網上手巾店咁，可以先同廠家買1條做樣品，望下個樣品既質素係點，覺得ok既再批量攞貨，講緊既費用都只係$1000-2000。

我會建議你先寫一個網頁，直接賣商品，而當個客去到結帳頁面果陣，就通知佢商品未入貨或直接拒絕收款，並多謝佢地支持，再加個 Newsletter Plugin收集有興趣購買的顧客電郵。到你真係有5-10個人去到結帳頁，你先入貨正式賣都未遲，假若市場反映差到無人買，你都只係會失去整網頁既時間，同注冊網頁等幾百蚊成本。

唔好話我唔提你——切記，千其唔好入貨住。

今日我會做以下既事情:

– 提前測試市場反映
– 開Adverts 帳號/Facebook 廣告帳號
– 買1、2件樣品，睇實物既質素
– 花1日時間幫產品影相
– 淘寶搵人幫手執相 (大約 RMB 5一張)

而下一篇就會正式講我會點樣整個網頁，Step 1 整主頁，或任何網店主頁必須要有既元素。

如果想繼續睇就 Like/Share 個 Page 啦，或有野想問，或想我補充就 Comment啦。