「除咗行街睇戲食飯的假日好去處」
螢火蟲？好多人都會問香港有得睇螢火蟲嘅咩？我原先都以為冇 ，因為呢個挑戰令到我去搜尋一下，之後發覺香港係有螢火蟲架。
今次亦都係我人生第一次參加左一個鴨仔團，只需要＄128嘅價錢就帶我新界一日遊，由紅磚屋、去到南生圍、再去到屏山文物徑（華嫂冰室嗰度）、 再去流浮山食海鮮（仲有鮑魚同蝦）、之後差唔多入夜就去咗尖鼻咀探險，行咗半個鐘就入到去等左陣就已經見到螢火蟲啦。
可能係五年、十年前，未有LED燈發明之前我哋都會覺得幾得意，但係而家，遙遠地望到螢火蟲嘅時候見到一粒粒係到閃下閃下，一開始仲以為有人喺叢林裏面「造馬」扮螢火蟲。不過都不得不讚嘆大自然嘅奇妙！
P.S. 我朋友強調要我提裏面有好多蚊，係因為佢比蚊咬到成面都係，但我一粒都冇俾蚊咬到（所以其實我唔覺得多蚊）。
之後計返條數，計返全日有專車接送、有豐富海鮮餐都係＄128（50人都係得＄6400) ，真係諗唔到佢係點賺錢… 如果唔係呢個挑戰，我都唔會去到呢幾個咁有特色既地方，有興趣可以去吓（唔係廣告，真心推介)。
" alt="王嘉裕 Felix Wong Kar Yue - " >
