續上篇講寫日記嘅好處，寫日記除左提高抗壓能力，將抽象嘅想法具體化同埋令思路更清晰外，其實仲有以下2點……

4. 促進個人進步 Improvement

講到寫日記，基本上其實你寫乜嘢都得，但我自己個人而言，每日我都會寫自己學到啲乜、有啲咩可以進步、有啲咩錯唔應該再犯、去確保自己好似電影「機密真相」所講：「一個人唔可能犯兩次同樣嘅錯誤。第一次係犯錯，第二次就係你個人選擇。」

如果唔寫低嘅話，你可能兩三日後連犯嗰啲咩錯都已經完全唔記得；相反，如果你寫低咗嘅話 — 係你寫低嘅過程，你會不知不覺咁記低左件事，減低…

每日寫日記，你會學到的五件事。
（寫日記，點樣改變左我人生？）

一直以來我都希望令到自己進步，係各個範疇上都做到更好。上年年底嘅時候，我開始聽 Tony Robbins「Personal Power II」嘅Program，佢講到寫日記有3個優點：

1. 記錄每日學咗嘅嘢
2. 記錄每一年嘅成長
3. 令寫作/表達能力有所進步

就係咁嘅原因，我開始咗每日寫日記嘅習慣。到今日為止已經寫咗207篇，覺得學到嘅野，遠超以上3點，其中最重要嘅5點如下：

番外篇「創業思維：奧巴馬嘅生活習慣」

美國總統奧巴馬：自己孤獨的時間

大家有冇試過想做一啲事，但係無見到其他人做、或者冇人成功做過，所以就冇鼓起到勇氣去做？

其實寫呢一篇嘅原因係見到奧巴馬嘅生活習慣，就令到我鼓起勇氣，重新調整一下自己嘅生活、時間、習慣，亦都希望大家…

仲記得上一次冇目的、好悠閑咁攤喺度睇星星係幾時嗎？可能係上年？可能已經係好幾年前？甚至已經係講緊細個嘅事？

其實好多時日復日、忙碌嘅工作都會令我哋無意識地，變得非常機械式咁生存，每日努力工作就係為咗層500尺嘅樓？唔同依啲就係我地想要嘅生活？

其實不妨嘗試每一日都做少少野…

蝴蝶效應：
一個徹底「改變香港」的決定

成日有人話香港充滿負能量，
到底有咩方法，可以令每一個香港人都活得更開心、更快樂？
徹底改變我地既香港？

唔知大家有無聽過咩叫蝴蝶效應呢？

蝴蝶效應係指係一個動態系統中，就算微小嘅變化，都可以產生一個極大型嘅連鎖反應。例如：一隻蝴蝶拍一拍翼，都可以產生龍捲風，摧毀成個森林。

而今日你都可以係蝴蝶效應嘅開頭，輕輕拍一拍你對翼，幫下身邊嘅人、令到佢地開心、Spread Positivity，再由其它人延續落去，其實你嘅一個小小舉動，已經足以徹底「改變香港」。

呢一個舉動唔單止可以Spread Positivity、甚至令到每個人每一日都可以開心快樂咁笑。

你，對上一次，真心咁笑又係幾時？

就由今日開始，拍一拍你對翼，再延續比你身邊嘅朋友，即刻Tag 佢地啦！

遊戲規則 :
1. 接受遊戲 : Share呢個Post
2. 提名 3個人 (Tag) 接受遊戲
3. Do “Good" (幫人/令人開心)：做完之後唔該影張相
4. 係自己FB/IG上載張相：第一句永遠寫 「蝴蝶效應」

20個 Do “Good" 例子:
1. 感謝一下愛你的人 (唔好唔小心多謝左個 Ex)
2. 捐款去一個有意義的組織 (唔好輸錢比馬會當捐左錢！)
3. 捐出你的舊衣服/書本 (著到穿晒隆就唔好比人喇)
4. 幫助有需要的人 (唔好搶完阿婆d橙再執返比佢)
5. 做一個小時的義工 (黎幫我打工啦！)
6. 買禮物給家人 (買完都係自己用嘅唔計)
7. 駕車時，讓線比打燈入線既車 (讓下啲P牌仔)
8. 寫一張 “Thank you” note比幫過你既人 (你好野！我有今日都係因為你！)
9. 利用你有的優點 去教人或免費表演 (如果唱歌到技安咁就算喇)
10. 教長者如何使用新手機/電腦 (搵個鎚仔扑落去就唔會響架喇)
11. 捐血 (都知你淆底唔敢架喇)
12. 節省能源 (夠膽你就唔好開冷氣)
13. 決定去做一個新習慣令自已變得 “更好” (仲唔試下每朝4:30起身？)
14. 勇於承擔責任 (嗱！嗱！嗱！係時候結婚喇 by 萬千港女)
15. 請朋友食一餐飯 (今晚7點7仔見)
16. 見到人在車上沒有零錢，主動去幫忙 (係人都無散錢架啦，得八達通架咋嘛)
17. 搭Lift見到有人正在走近，幫人㩒住個制 (唔好㩒錯閂門制)
18. 讚賞他人 (X！你！好！嘢！！！)
19. 扶老人家過馬路 (嘩，唔好連阿婆水你都抽)
20. Be Creative，做你想做的 “Good” Things